لفيت كتير وكتير.....شفت الحنان ده كبير
بس فى حنانك إنتى .....عمرى ما شفت مثيل
فى قربك يا أمى بحب المكان....وُبعدك بيعمل فى عقلى جنان
ما إنتى الدفا وإنتى الحنان.....وإنتى برضاكى بلاقى الأمان
وإنتى اللى وصى عليكى كمان.....مولاى ربى الرحمن
يا أغلى الناس........يا أطيب قلب فى الإحساس
يا أجمل ماسة وسط الماس....يا اللى تراب رجليكى وسط التراب ينباس
نفسى أقولك كلمتين....الأولى وحشانى.....يا أغلى من القلب والعين
والتانية أكيد عارفاها.....بحبك بشوق وحنين
ما إنتى اللى ياما سهرتى الليالى....وقلبك بيغلى بلهفة عشانى
وأنا مهما هعمل عشانك يا غالية....وادمر فى حزنك بسيفى وإيديا
واشيلك واصونك فى قلبى وعينيا....مش هقدر اوفى بخيرك عليا
أمــــى.....من فضلك اسمعينى....وقوليلى وريحينى
لو كنت فى يوم زعلتك......فيا ريت تسامحينى