أيوه فاكر كنت شاطر
بس فجأة بقيت بليد
كنت جنب حبايبى دايماً
والنهرده بقيت بعيد
كنت طيب غصب عنى
كنت طول الليل بغنى
عمرى ما فكرت إنى
عايز ابقا ف يوم وحيد
كنت ألاقى زمانى قاسىى
وشى يضحك ع المآسى
بس وشى مش مقاسى
وضحكى دايماً مش مفيد
كنت دايماً بقعد اسرح
واسأل إزاى ممكن افرح
وامشى أقلّب كل مطرح
جايز القى شيء جديد
وامَّا موصلتش لحاجة
قلت أجرَّب كل حاجة
روحت بايع كل حاجة
جايز ابقا ف يوم سعيد
جايز ابقا ف يوم سعيد